I am Asking You// انا بطالبكم

اعزائي الذكور، بطلب منكم تحطوا نفسكم في موقف تبقوا مش معرضين فيه للإغتصاب، لا، بس متصنفين كشيء.. و يتدهور بيكم الامر و توصل انكم تبقوا يا دوبك شيء ملوش ارادة ولا شعور..
بمعني تاني انتم مجرد اداة مستخدمة جنسيا. و دي حاجة رجالة كتير بتعملها يوميا كإن مفيهاش حاجة..
و مع كدة، التفكير في ده بس هيخليكوا مكسوفين.. هل انت كذكر حاسس انك مرتاح لدة؟ حاسس انك مرتاح للفكرة بمجرد التفكير فيها؟ مظنش..
دلوقتي بقي هطلب منكم انكم تتخيلوا نفسكم في موضع مخيف اكتر.. الاغتصاب.
تخيلوا تبقوا في الموقف ده، تخيلوا الدموع الي بتنزل علي وشكم و انتم بتطلبوا الرحمة..
و بعد ما تخلصوا اللحظات المرعبة دي، تبقوا عايزين تحكوا الي حصل فيكم و مش هتعملوا كدة عشان ممكن محدش يصدقكوا!
متخيلين الصدمة الي هتدخلوا فيها؟ لسة محايدين بعد المشهد الي اتخيلتوا ده؟ هيبقي تمام بالنسبالكم لو حصل ده لاي حد تاني؟ مظنش.

عزيزاتي النساء.. عارف انكم مريتوا بكتير اوي و مش هعرف ادرك تماما شعوركم في التجارب دي. انا فاهم قد ايه التحرش الجنسي امر شائع و موجود بكثرة..
عارف ان مفيش سبب ولا تفسير يقدر يخفف من بشاعة الفعل ده. عارف ان لبسكم مش سبب في التحرش الجنسي. عارف ان ليا ميزة اني راجل في المجتمع ده..
و بشوف قد ايه الرجالة بتعمل حاجات سيئة في حق النساء و مش بيتحاسبوا عليها بسبب الميزة ده..

عارف ان مفيش مساواة في المجتمع ده، بس المرة دي مش هسكت و ايدي تبقي متكتفة و معملش حاجة..
لا دلوقتي ولا بعدين.. المرة دي هطالب بالمساواة و العدالة و سحب الحصانة الي وخدنها الرجالة و مبيتعاقبوش بسببها علي افعالهم.
بطالب اننا نتعامل بالمواساة و العدل عشان احنا الاتنين متساوون.. انا رجل و هدعمك و هقف معاكي مهما حصل حتي لو مكنتيش امي او اختي انتي بني أدمة زيي..
هقف معاكي النهاردة و كل يوم و هفضل واقف معاكي عشان احنا دلوقتي اكتر من اي وقت تاني سوا في كل ده