Guest writer: Shahd Gad
الحب الحقيقي بيغير…
الإحساس الوحيد اللي ممكن يخليك خايف و مطمن و طاير من السعادة و كل ده في نفس الوقت.
حبوا الناس اللي تخليكوا شايفين نفسكوا احلي ناس في عينيكو.
الحب بيغير لمعة عينك..بيغير أسلوب حياتك..بيخلي القلب مطمن..بيخلي عندك شعور بالرضا و الاكتفاء.
مهما حد اتكلم عن الحب، عمره ما هيوصف اي حاجه فيه حرفيًا هو الحاجه الوحيدة اللي يتقال عليها سر الكون”سبحانك يا الله”.
الغيرة هي شعور بحب الشخص ده لدرجة أن مينفعش حد يقرب منه لأنه غالي و من كتر غلاوته أنت مش عارف تعمل ايه غير أنك انت بس اللي تديله حبك و اهتمامك و مشاعرك…فا بتطر تخبيه من العالم كله خوفاً عليه و فعلا ده بيعرفك مدى غلاوته عندك.
الحب هيخليك تحب نفسك و تحب اللي قدامك بكل حاجه فيك…بقلبك و عقلك و روحك.
هتبقى متعلق زي طفل لسه مولود مش محتاج أي حاجة غير حب و رعاية و اهتمام أم.
اللي بتحبه هتشوفه أحسن حد في الدنيا حتى لو قصادك العالم كله.
اللي بيحب هيكون عايزه اللي قدامه ده يكون أحسن واحد فالدنيا حتى ممكن يبقي عايزه أحسن منه.
اللي عمرك ما هتعرف تكره مهما عمل و مهما حصل و عمرك ما هتعرف تبعد عنه.
اللي بيحب هيفضل دايما يحافظ عليك حتى من نفسه و من حتى نظرة أي حد ليكي او حتى من أقل كلمة ممكن تتقالك حتي لو انتي الغلطانه.
اللي بيحبك عمره ما هيكون قصده يضايقك.
اللي بيحبك هيشوفك أمه فالحنين و هيشوفك بنته في خوفه عليكي وهيكون وهو معاكي مش محتاج يبص لأي واحدة مهما كنت حلوة او حتى أحسن منك علشان هو هيكون شايف إنك أحسن واحدة في الكون كله.
اللي بيحب بيتمسك و يحس بيكي من غير ما تتكلمي.
حبي اللي تشوفيه سند و تشوفيه أمان و تشوفي في عينه إنه بيعشقك مش مهم اي حاجة.
اللي بتحبيه هتعرفي عيوبه و تحبيها و تتقبليها و تحاولي تخليه احسن حد في الكون كله.
اللي بتحبيه بتعاتبيه علشان بتكوني مش عايزه تشيلي في قلبك من ناحيته.
اللي بتحبيه هتسمعي صوته حتى و لو متخانقين هترتاحي
اللي بيحبك هيحسسك أن كل حاجه ماشية تمام.
اللي مهما حصل و زعلك..هيبقي عايز يرضيكي بأي شكل.
اللي بيحبك هيحاول يطلع كل حاجه حلوة فيكي حتى و لو محدش شايف الحلو ده
اللي بيحب عمره ما هيبعد حتي لو العلاقه اللي بينكوا انتهت…يعني هيبقى عايز يشوفك حتى لو من بعيد.
اللي لو بعدتي عنه هتحسيه مش كويس.
اللي بيحب هيفضل يدي كل حاجه من غير ما يستنى أي مقابل
اللي بيحب بيغفر و يسامح و يصفي.
اللي بيحب بيكون عايز كل الناس تعرف أن ده حبيبي و ده اللي قلبي اختاره.
اللي بيحب بيكون عايز كل الناس تشوفك بالصورة اللي هو رسمها لك.
اللي بيحبك بيقدر ظروفك و يفهمك.
اللي بيحب هيكون عايز يسمعك طول الوقت من غير ما يزهق.
اللي بيحب بيحكي كل حاجه و عمره ما يخاف إنك تفكري في حاجة وحشة او حتي تبصي له بنظرة ممكن تضايقه.
اللي بيفهم انت فرحان..مبسوط..زعلان من نظرة واحدة.
اللي بيحب لازم يعدي كل حاجه
اللي بيحب عمره ما هيقبل ان دمعه نزل من عينك
اللي بيحب هيحاول يحل كل مشاكلك بطريقة مريحة.
اللي بيحب هيفضل متمسك بيكي لآخر وقت.
اللي بيحب عمره ما يسخنك على أي حد و بالذات أهلك حتي لو هما مضايقينه.
اللي بيحب هيتخانق معاك علشان خايف عليك.
اللي بيحب هيكون عايز العالم كله يحبك.
اللي بيحبك هيخاف عليكي زي اهلك.
اللي بيحب بيضحي بأي حاجه علشان اللي بيحبه.
هو ده الحب اللي يخلي وشك ينور و قلبك يرقص، يبقي تكملي فيه.
